"Manchester Yunayted" "Monako" klubi va Fransiya terma jamoasi himoyachisi Aksel Disasiga qiziqish bildirmoqda, deya xabar beradi Footmercato.
Manbaning xabariga ko‘ra, ingliz klubi yozgi transfer oynasida futbolchi sotib olish variantini ko‘rib chiqmoqda. Transfer summasi 50 million yevro atrofida bo‘lishi mumkin. Futbolchiga Premyer-liganing boshqa klublari ham qiziqish bildirmoqda.
25 yoshli Disasi joriy mavsumda “Monako” safida barcha turnirlarda 39 ta o‘yinda maydonga tushib, 5 ta gol urdi va 4 ta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.