"Манчестер Юнайтед" "Монако" клуби ва Франция терма жамоаси ҳимоячиси Аксел Дисасига қизиқиш билдирмоқда, дея хабар беради Footmercato.
Манбанинг хабарига кўра, инглиз клуби ёзги трансфер ойнасида футболчи сотиб олиш вариантини кўриб чиқмоқда. Трансфер суммаси 50 миллион евро атрофида бўлиши мумкин. Футболчига Премьер-лиганинг бошқа клублари ҳам қизиқиш билдирмоқда.
25 ёшли Дисаси жорий мавсумда “Монако” сафида барча турнирларда 39 та ўйинда майдонга тушиб, 5 та гол урди ва 4 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.
