Turinning “Yuventus” klubi yarim himoyachisi Adriyen Rabyo jamoani tark etishi mumkinligi haqidagi mish-mishlarga qaramay, jamoada qolishi mumkin. Tomonlar o‘rtasidagi amaldagi shartnoma shu yilning yozida yakuniga yetadi.
"Turinda qolishim ehtimoli bor. Biz yangi shartnoma imzolashimiz mumkin. Turinda o‘zimni yetarlicha qulay his qilaman. Men o‘z vazifalarimni a’lo darajada bajaraman, murabbiy bilan yaxshi munosabatdaman", - deydi fransiyalik futbolchi.
Yarim himoyachi joriy mavsumda “Yuventus” safida 33 ta o‘yinda maydonga tushib, 9 ta gol va 4 ta golli uzatmaga mualliflik qilgan.
