"Inter" hujumchisi Edin Jeko Bosniya va Gersegovina terma jamoasidagi o‘yinlari haqida gapirdi.
37 yoshli futbolchi milliy terma jamoaga chaqiruv oldi, u 2007 yilda debyutidan beri 126 ta o‘yin o‘tkazdi.
“Bu yerda 37 yoshda ekanligim terma jamoa men uchun qanchalik muhimligini ko‘rsatadi. Bu yoshda ko‘pchilik futbolchilik faoliyatini yakunlaydi, lekin men har uch kunda o‘ynayman va to‘xtashni rejalashtirganim yo‘q. Umid qilamanki, jamoamiz saralash bosqichidan muvaffaqiyatli o‘tib, Yevropa chempionatida ishtirok etadi. Oldinda o‘nta qiyin o‘yin bor, g‘alaba bilan boshlash juda muhim", - deya bosniyalik hujumchidan iqtibos keltiradi jurnalist Alfredo Pedulla.
23 mart kuni Bosniya va Gersegovina terma jamoasi Islandiyaga qarshi maydonga tushadi.