"Интер" ҳужумчиси Эдин Жеко Босния ва Герцеговина терма жамоасидаги ўйинлари ҳақида гапирди.
37 ёшли футболчи миллий терма жамоага чақирув олди, у 2007 йилда дебютидан бери 126 та ўйин ўтказди.
“Бу ерда 37 ёшда эканлигим терма жамоа мен учун қанчалик муҳимлигини кўрсатади. Бу ёшда кўпчилик футболчилик фаолиятини якунлайди, лекин мен ҳар уч кунда ўйнайман ва тўхташни режалаштирганим йўқ. Умид қиламанки, жамоамиз саралаш босқичидан муваффақиятли ўтиб, Европа чемпионатида иштирок этади. Олдинда ўнта қийин ўйин бор, ғалаба билан бошлаш жуда муҳим", - дея босниялик ҳужумчидан иқтибос келтиради журналист Альфредо Педулла.
23 март куни Босния ва Герцеговина терма жамоаси Исландияга қарши майдонга тушади.