«Inter» hujumchi Romelu Lukakuni o‘z safida saqlab qolishga harakat qilishi mumkin.

Todofichajesning so‘zlariga ko‘ra, italyan klubi bunga mos formula qidirmoqda. «Chelsi» Lukakuni qo‘yib yuborish uchun jiddiy summa talab qiladi, chunki futbolchining Londondagi shartnomasi 2026 yilning o‘rtalariga qadar amal qiladi.

«Inter» 29 yoshli belgiyalik futbolchining to‘lovlarini qisqartirgan holda ijara muddatini yana bir mavsumga uzaytirmoqchi.

Avvalroq matbuotda «Inter» Lukakuni olib qolish niyatida emasligi haqida ma’lumotlar paydo bo‘lgandi.

2022/2023 yilgi mavsumda belgiyalik futbolchi 19 ta o‘yin o‘tkazib, 5 ta gol urgan. Romelu sog‘ligidagi muammolar tufayli ko‘p sonli o‘yinlarni o‘tkazib yubordi.