«Интер» ҳужумчи Ромелу Лукакуни ўз сафида сақлаб қолишга ҳаракат қилиши мумкин.
Todofichajesнинг сўзларига кўра, итальян клуби бунга мос формула қидирмоқда. «Челси» Лукакуни қўйиб юбориш учун жиддий сумма талаб қилади, чунки футболчининг Лондондаги шартномаси 2026 йилнинг ўрталарига қадар амал қилади.
«Интер» 29 ёшли бельгиялик футболчининг тўловларини қисқартирган ҳолда ижара муддатини яна бир мавсумга узайтирмоқчи.
Аввалроқ матбуотда «Интер» Лукакуни олиб қолиш ниятида эмаслиги ҳақида маълумотлар пайдо бўлганди.
2022/2023 йилги мавсумда бельгиялик футболчи 19 та ўйин ўтказиб, 5 та гол урган. Ромелу соғлигидаги муаммолар туфайли кўп сонли ўйинларни ўтказиб юборди.
