"Arsenal"ning belgiyalik yarim himoyachisi Leandro Trossard "kanonirlar"ga moslashish haqida gapirib, u ajoyib o‘yinchilarga to‘la ajoyib jamoada bo‘lganini aytdi.
"Darhol bunchalik ko‘p o‘ynayman deb o‘ylamagandim, ammo jamoadagi bir qator jarohatlar menga ozgina yordam berdi. Men o‘z qobiliyatlarimga ko‘proq ishonaman. Men ajoyib o‘yinchilarga to‘la ajoyib jamoa futbolchisiga aylandim", - dedi Trossard Arsenal Buzz bilan suhbatda.
Eslatib o‘tamiz, Trossard qishki transfer oynasida London jamoasiga "Brayton"dan ko‘chib o‘tgandi. Belgiyalik futbolchi "Arsenal" uchun "Chelsi"ga o‘tishni tanlagan ukrainalik vinger Mixail Mudrikga muqobil bo‘ldi. Trossard “Arsenal” safida 12 ta o‘yinda maydonga tushib, 1 ta gol va 6 ta golli uzatmaga mualliflik qilgan.
