"Арсенал"нинг бельгиялик ярим ҳимоячиси Леандро Троссард "канонирлар"га мослашиш ҳақида гапириб, у ажойиб ўйинчиларга тўла ажойиб жамоада бўлганини айтди.
"Дарҳол бунчалик кўп ўйнайман деб ўйламагандим, аммо жамоадаги бир қатор жароҳатлар менга озгина ёрдам берди. Мен ўз қобилиятларимга кўпроқ ишонаман. Мен ажойиб ўйинчиларга тўла ажойиб жамоа футболчисига айландим", - деди Троссард Arsenal Buzz билан суҳбатда.
Эслатиб ўтамиз, Троссард қишки трансфер ойнасида Лондон жамоасига "Брайтон"дан кўчиб ўтганди. Бельгиялик футболчи "Арсенал" учун "Челси"га ўтишни танлаган украиналик вингер Михаил Мудрикга муқобил бўлди. Троссард “Арсенал” сафида 12 та ўйинда майдонга тушиб, 1 та гол ва 6 та голли узатмага муаллифлик қилган.
