Fransiyaning yangi sardori Kilian Mbappe nafaqat maydonda, balki maydon tashqarisida ham muhim rol o‘ynashga intilmoqda.
«PSJ» forvardi yaqinda Gollandiyaga qarshi kechgan va fransuzlarning 4:0 hisobidagi g‘alabasi bilan yakunlangan o‘yin qahramoniga aylandi.
Mbappe hisobida ikkita gol va bitta golli uzatma bor edi. Tanaffusga qadar «uch ranglilar» 3ta gol farqini ta’minlashdi, biroq 24 yoshli futbolchi Get Football News France xabariga ko‘ra, o‘z jamoadoshlarini bu bilan to‘xtab qolmaslikka faol chaqirdi:
«Yaxshi bolalar, olg‘a! Ularning nafas olishiga yo‘l qo‘ymang, hech narsa qilishiga yo‘l qo‘ymang. Biz ikkinchi bo‘limda ham xuddi shunday ruhda davom etamiz, to‘xtab qolmaymiz», - deya xitob qildi Mbappe tanaffus vaqtida.
