Франциянинг янги сардори Килиан Мбаппе нафақат майдонда, балки майдон ташқарисида ҳам муҳим роль ўйнашга интилмоқда.
«ПСЖ» форварди яқинда Голландияга қарши кечган ва французларнинг 4:0 ҳисобидаги ғалабаси билан якунланган ўйин қаҳрамонига айланди.
Мбаппе ҳисобида иккита гол ва битта голли узатма бор эди. Танаффусга қадар «уч ранглилар» 3та гол фарқини таъминлашди, бироқ 24 ёшли футболчи Get Football News France хабарига кўра, ўз жамоадошларини бу билан тўхтаб қолмасликка фаол чақирди:
«Яхши болалар, олға! Уларнинг нафас олишига йўл қўйманг, ҳеч нарса қилишига йўл қўйманг. Биз иккинчи бўлимда ҳам худди шундай руҳда давом этамиз, тўхтаб қолмаймиз», - дея хитоб қилди Мбаппе танаффус вақтида.
