Hujumchi Arkadiush Milik joriy mavsum yakunida “Yuventus”ni tark etishi mumkin.
Polyak "Marsel"dan iyun oyigacha sotib olish imkoniyati bilan ijaraga olingandi. Tuttosport xabariga ko‘ra, klub rahbariyatida 29 yoshli futbolchi bilan hamkorlikni davom ettirish maqsadga muvofiqligi borasida jiddiy shubhalar bor. Hujumchi bo‘yicha yakuniy qaror kelasi yozda Turinni tark etishi mumkin bo‘lgan Dushan Vlaxovich va Moyse Kinning kelajagiga bog‘liq bo‘ladi.
Arkadiush Milik "byankonerilar" safida 23 ta o‘yinda maydonga tushib, 8 marta gol urgan va bir marta jamoadoshlariga assistentlik qilgan. Uning transfer qiymati Transfermarkt ekspertlari tomonidan 10 million yevroga baholanmoqda.
