Ҳужумчи Аркадиуш Милик жорий мавсум якунида “Ювентус”ни тарк этиши мумкин.
Польяк "Марсель"дан июнь ойигача сотиб олиш имконияти билан ижарага олинганди. Tuttosport хабарига кўра, клуб раҳбариятида 29 ёшли футболчи билан ҳамкорликни давом эттириш мақсадга мувофиқлиги борасида жиддий шубҳалар бор. Ҳужумчи бўйича якуний қарор келаси ёзда Туринни тарк этиши мумкин бўлган Душан Влахович ва Мойсе Киннинг келажагига боғлиқ бўлади.
Аркадиуш Милик "бьянконерилар" сафида 23 та ўйинда майдонга тушиб, 8 марта гол урган ва бир марта жамоадошларига ассистентлик қилган. Унинг трансфер қиймати Transfermarkt экспертлари томонидан 10 миллион еврога баҳоланмоқда.