"Chelsi" o‘zining rasmiy saytida darvozabon Markus Bettinelli bilan shartnomani uzaytirganini e’lon qildi.
30 yoshli angliyalikning klub bilan tuzgan yangi shartnomasi muddati 2026 yilgacha mo‘ljallangan.
"Men dunyoning eng katta klublaridan biri bo‘lgan "Chelsi" kabi klubda bo‘lishdan sharaflanaman va yana bir necha yil shu yerda bo‘lishimdan xursandman", - deya darvozabon so‘zlaridan iqtibos keltirgan klub matbuot xizmati.
Bettinelli 2021 yilning yozida erkin agent sifatida "Chelsi"ga o‘tgan edi. Transfermarkt portali futbolchining narxini 2 million yevroga baholamoqda.