"Челси" ўзининг расмий сайтида дарвозабон Маркус Беттинелли билан шартномани узайтирганини эълон қилди.
30 ёшли англияликнинг клуб билан тузган янги шартномаси муддати 2026 йилгача мўлжалланган.
"Мен дунёнинг энг катта клубларидан бири бўлган "Челси" каби клубда бўлишдан шарафланаман ва яна бир неча йил шу ерда бўлишимдан хурсандман", - дея дарвозабон сўзларидан иқтибос келтирган клуб матбуот хизмати.
Беттинелли 2021 йилнинг ёзида эркин агент сифатида "Челси"га ўтган эди. Transfermarkt портали футболчининг нархини 2 миллион еврога баҳоламоқда.