Madridning “Real” klubi yarim himoyachisi Dani Sebalyosga hamon “Atletiko” qiziqish bildirmoqda.
Yanvar oyida Premyer-liga klublari Daniga takliflar bilan chiqishgan, fevral oyi boshida esa "Atletiko" "qaymoqranglilar" bilan shartnomasi yozda tugaydigan Sebalyosga o‘zi taklifi bilan chiqqani xabar qilingandi.
"Real Madrid" Sebalyos va boshqa o‘yinchilar bilan shartnomani uzaytirishga shoshilmayapti.
Futbolchining Marca nashriga ma’lum qilishicha, madridliklardan hech kim u bilan yangi shartnoma borasida bog‘lanmagan.
Shu fonda “Atletiko” futbolchining niyatini bilish uchun ikkinchi bor Sebalyosga murojaat qildi. Bu bir necha hafta oldin sodir bo‘ldi.
Sebalyos "Real Madrid"da qolishga ustunlik beradi, u klubda qolishni xohlaydi.
La Liganing joriy mavsumida Sebalyos 19 ta o‘yin o‘tkazib, 1 ta golli uzatmani amalga oshirdi.