Мадриднинг “Реал” клуби ярим ҳимоячиси Дани Себальосга ҳамон “Атлетико” қизиқиш билдирмоқда.

Январь ойида Премьер-лига клублари Данига таклифлар билан чиқишган, февраль ойи бошида эса "Атлетико" "қаймоқранглилар" билан шартномаси ёзда тугайдиган Себальосга ўзи таклифи билан чиққани хабар қилинганди.

"Реал Мадрид" Себальос ва бошқа ўйинчилар билан шартномани узайтиришга шошилмаяпти.

Футболчининг Marca нашрига маълум қилишича, мадридликлардан ҳеч ким у билан янги шартнома борасида боғланмаган.

Шу фонда “Атлетико” футболчининг ниятини билиш учун иккинчи бор Себальосга мурожаат қилди. Бу бир неча ҳафта олдин содир бўлди.

Себальос "Реал Мадрид"да қолишга устунлик беради, у клубда қолишни хоҳлайди.

Ла Лиганинг жорий мавсумида Себальос 19 та ўйин ўтказиб, 1 та голли узатмани амалга оширди.