"Milan"da ijara asosida o‘ynayotgan "Real Madrid" yarim himoyachisi Braim Dias kelajagi borasida qaror qabul qilish uchun Madrid klubi bilan muzokaralar olib bormoqda, deb xabar beradi CaughtOffside.
Manbaga ko‘ra, 23 yoshli futbolchi Ispaniyaga qaytishga tayyor va shu bilan birga faoliyatini A seriyada davom ettirish uchun doimiy ravishda "Milan"ga o‘tishdan xursand bo‘ladi.
"Chelsi" ispaniyalik futbolchi bilan bog‘liq vaziyatni kuzatib bormoqda va uni sotib olish haqida o‘ylamoqda.
Avvalroq, "Milan"da Diasni sotib olish imkoniyati yo‘qligi, "Real" esa futbolchini qaytarishni rejalashtirgani haqida xabar berilgandi.
Yarim himoyachi joriy mavsum Italiya klubi safida barcha turnirlarda 31 ta o‘yinda maydonga tushib, 5 ta gol va 2 ta golli uzatmaga mualliflik qilgan. Milan Diasni 2021 yilning yozida ijaraga olgan, shartnoma 2023 yilning yoziga qadar mo‘ljallangan.
