"Милан"да ижара асосида ўйнаётган "Реал Мадрид" ярим ҳимоячиси Браим Диас келажаги борасида қарор қабул қилиш учун Мадрид клуби билан музокаралар олиб бормоқда, деб хабар беради CaughtOffside.
Манбага кўра, 23 ёшли футболчи Испанияга қайтишга тайёр ва шу билан бирга фаолиятини А серияда давом эттириш учун доимий равишда "Милан"га ўтишдан хурсанд бўлади.
"Челси" испаниялик футболчи билан боғлиқ вазиятни кузатиб бормоқда ва уни сотиб олиш ҳақида ўйламоқда.
Аввалроқ, "Милан"да Диасни сотиб олиш имконияти йўқлиги, "Реал" эса футболчини қайтаришни режалаштиргани ҳақида хабар берилганди.
Ярим ҳимоячи жорий мавсум Италия клуби сафида барча турнирларда 31 та ўйинда майдонга тушиб, 5 та гол ва 2 та голли узатмага муаллифлик қилган. Милан Диасни 2021 йилнинг ёзида ижарага олган, шартнома 2023 йилнинг ёзига қадар мўлжалланган.
