«Bavariya»ning yangi murabbiyi Tomas Tuxel Tomas Myullerni loyihadagi asosiy shaxs sifatida ko‘rmoqda.
33 yoshli jamoa faxriysining istiqboli Yulian Nagelsmann qo‘l ostida biroz shubha ostida edi, chunki futbolchi joriy mavsumda kamroq asosiy tarkibda tushayotgan edi.
Jurnalist Tobi Altshefflning so‘zlariga ko‘ra, Tuxel Myullerning mavqeini yuqori baholaydi va uni nafaqat kiyinish xonasi yetakchisi, balki jamoa uchun eng muhim ijrochilardan biri deb biladi.
Tomas Myuller «Bavariya»da 2000 yildan buyon to‘p tepadi. Joriy mavsumda u barcha musobaqalarda 28 ta o‘yin o‘tkazib, 5 ta gol va 11 ta golli uzatmani amalga oshirdi.
