Manchester Evening News xabariga ko‘ra, "Manchester Yunayted" yozgi transfer oynasida markaziy hujumchi bilan shartnoma imzolamoqchi.
Manbaga ko‘ra, ingliz klubi uchun asosiy variant sifatida Xarri Keyn ("Tottenxem") va Viktor Osimxen ("Napoli") ko‘rilmoqda.
Shuningdek, mankunianliklar Gonsalu Ramush ("Benfika"), Randal Kolo-Muani ("Ayntraxt"), Rasmus Xoylund ("Atalanta") va Muhammad Kudus ("Ayaks")ga ham qiziqish bildirishmoqda.
Ta’kidlash joizki, "iblislar" bosh murabbiyi Erik ten Xag barcha olti nomzodni ma’qullagan.
"Manchester Yunayted" 26 turda 50 ochko bilan APL turnir jadvalida uchinchi o‘rinda bormoqda. Yevropa ligasida klub ¼ finalga chiqdi va u erda "Sevilya" bilan o‘ynaydi.