Manchester Evening News хабарига кўра, "Манчестер Юнайтед" ёзги трансфер ойнасида марказий ҳужумчи билан шартнома имзоламоқчи.

Манбага кўра, инглиз клуби учун асосий вариант сифатида Харри Кейн ("Тоттенхэм") ва Виктор Осимхен ("Наполи") кўрилмоқда.

Шунингдек, манкунианликлар Гонсалу Рамуш ("Бенфика"), Рандал Коло-Муани ("Айнтрахт"), Расмус Хойлунд ("Аталанта") ва Муҳаммад Кудус ("Аякс")га ҳам қизиқиш билдиришмоқда.

Таъкидлаш жоизки, "иблислар" бош мураббийи Эрик тен Хаг барча олти номзодни маъқуллаган.

"Манчестер Юнайтед" 26 турда 50 очко билан АПЛ турнир жадвалида учинчи ўринда бормоқда. Европа лигасида клуб ¼ финалга чиқди ва у эрда "Севилья" билан ўйнайди.