"Arsenal" bosh murabbiyi Mikel Arteta Premyer-ligada oyning eng yaxshi murabbiyi deb topildi. O‘tgan oyda "kanonirlar" liganing to‘rtta o‘yinini o‘tkazishdi. Ularda Arteta shogirdlari "Everton" (4:0), "Bornmut" (3:2), "Fulxem" (3:0) va "Kristal Pelas" (4:1) klublarini mag‘lub etishdi.

"Arsenal" ayni damda APLda peshqadamlik qilmoqda va ikkinchi o‘rindagi "Manchester Siti"dan 8 ochko oldinda. Shu bilan birga, londonliklar bir o‘yin ko‘proq o‘tkazishgan. "Kanonirlar" 2004 yildan beri birinchi marta APL chempionligini qo‘lga kiritishlari mumkin.

"Arsenal" 1 aprel shanba kuni APLdagi navbatdagi o‘yinini o‘tkazadi. Mikel Arteta jamoasi o‘z maydonida "Lids"ni qabul qiladi.