"Арсенал" бош мураббийи Микель Артета Премьер-лигада ойнинг энг яхши мураббийи деб топилди. Ўтган ойда "канонирлар" лиганинг тўртта ўйинини ўтказишди. Уларда Артета шогирдлари "Эвертон" (4:0), "Борнмут" (3:2), "Фулхэм" (3:0) ва "Кристал Пэлас" (4:1) клубларини мағлуб этишди.
"Арсенал" айни дамда АПЛда пешқадамлик қилмоқда ва иккинчи ўриндаги "Манчестер Сити"дан 8 очко олдинда. Шу билан бирга, лондонликлар бир ўйин кўпроқ ўтказишган. "Канонирлар" 2004 йилдан бери биринчи марта АПЛ чемпионлигини қўлга киритишлари мумкин.
"Арсенал" 1 апрель шанба куни АПЛдаги навбатдаги ўйинини ўтказади. Микель Артета жамоаси ўз майдонида "Лидс"ни қабул қилади.
