Ansu Fati juda iqtidorli futbolchi, ammo "Barselona" moliyaviy ahvoli og‘irligi sababli uni sotishga tayyor.
Football Insider nashri xabariga ko‘ra, yozgi transfer oynasida "ko‘k-anorranglilar" Fatini 90 million funt (taxminan 102 million yevro) evaziga sotishga tayyor bo‘ladi.
Avvalroq, Fatining otasi o‘g‘lining jamoada kam o‘yin amaliyotiga ega bo‘layotganidan noroziligini ommaviy ravishda bildirgandi.
2022/2023 yilgi mavsumda Ansu Fati "Barselona" tarkibida 39 ta o‘yinda maydonga tushgan. Ularda 20 yoshli futbolchi yettita gol urdi va sheriklariga uchta samarali uzatma berdi.