"Bavariya" himoyachisi Benjamen Pavar o‘zining kelajagi haqida hali bir qarorga kelgani yo‘q.
Futbolchi yaqinda klub bilan yangi shartnoma borasida muzokaralar olib bormayotganini, amaldagi shartnomasi esa 2024 yilda yakunlanishini aytdi. Kicker nashrining so‘zlariga ko‘ra, tomonlar muzokaralarni vaqtincha to‘xtatgan, biroq ularga qaytishni rejalashtirgan. 27 yoshli fransiyalik futbolchining qarori jamoaning yangi bosh murabbiyi Tomas Tuxel uzoq muddatli rejalarida unga qanday rol yuklashiga bog‘liq bo‘ladi.
Benjamin Pavar joriy mavsum “Bavariya” safida 33 ta o‘yinda maydonga tushib, 6 ta gol va 1 ta golli uzatmaga mualliflik qilgan.
