"Бавария" ҳимоячиси Бенжамен Павар ўзининг келажаги ҳақида ҳали бир қарорга келгани йўқ.
Футболчи яқинда клуб билан янги шартнома борасида музокаралар олиб бормаётганини, амалдаги шартномаси эса 2024 йилда якунланишини айтди. Kicker нашрининг сўзларига кўра, томонлар музокараларни вақтинча тўхтатган, бироқ уларга қайтишни режалаштирган. 27 ёшли франциялик футболчининг қарори жамоанинг янги бош мураббийи Томас Тухель узоқ муддатли режаларида унга қандай роль юклашига боғлиқ бўлади.
Бенжамин Павар жорий мавсум “Бавария” сафида 33 та ўйинда майдонга тушиб, 6 та гол ва 1 та голли узатмага муаллифлик қилган.