Simone Indzagi "Inter"ning "Yuventus"ga qarshi o‘yinida (1:1) Romelu Lukakuning qizil kartochka olganidan xursand emas.
Italiya kubogi yarim finalida ikkinchi bo‘limga qo‘shib berilgan 5-daqiqada penaltidan hisobni tenglashtirgan belgiyalik raqib muxlislarini sukut saqlashga chaqirgan ishorani ko‘rsatdi, shundan so‘ng jamoalar futbolchilari o‘rtasida mojaro kelib chiqdi. Bu oxir-oqibat uchta qizil kartochkaga olib keldi.
"Lukakuning gol nishonlashi noto‘g‘ri tushunildi, u buni doimo ko‘rsatib turadi. Bu umumiy tartibsizliklarga olib keldi, shu sababli biz Lukaku va Samir Xandanovichni ikkinchi o‘yinda yo‘qotamiz va bular asosiy o‘yinchilar.
O‘yin ajoyib o‘tdi. Bu stadionda o‘ynash qiyin, ammo biz deyarli butun o‘yinni nazorat qildik. Jamoaning agressiv o‘yin ko‘rsatganidan juda mamnunman”, dedi “Inter” bosh murabbiyi.
