Симоне Индзаги "Интер"нинг "Ювентус"га қарши ўйинида (1:1) Ромелу Лукакунинг қизил карточка олганидан хурсанд эмас.
Италия кубоги ярим финалида иккинчи бўлимга қўшиб берилган 5-дақиқада пенальтидан ҳисобни тенглаштирган белгиялик рақиб мухлисларини сукут сақлашга чақирган ишорани кўрсатди, шундан сўнг жамоалар футболчилари ўртасида можаро келиб чиқди. Бу охир-оқибат учта қизил карточкага олиб келди.
"Лукакунинг гол нишонлаши нотўғри тушунилди, у буни доимо кўрсатиб туради. Бу умумий тартибсизликларга олиб келди, шу сабабли биз Лукаку ва Самир Хандановични иккинчи ўйинда йўқотамиз ва булар асосий ўйинчилар.
Ўйин ажойиб ўтди. Бу стадионда ўйнаш қийин, аммо биз деярли бутун ўйинни назорат қилдик. Жамоанинг агрессив ўйин кўрсатганидан жуда мамнунман”, деди “Интер” бош мураббийи.
