"Milan" sport direktori Frederik Massara klub hujumchi Rafael Leau bilan shartnomani uzaytirmoqchi ekanligini ma’lum qildi.
“Biz Leau bilan shartnomani uzaytirmoqchimiz, u ham shuni xohlaydi. Ba’zi muammolar bor, lekin biz yechim ustida ishlayapmiz. Bizga mavsum yakuniga qadar bir qaror kerak. Rafael oxirgi so‘zni aytadi. Foizlar haqida gapirish oson emas, lekin men buni 50/50 deb aytgan bo‘lardim", - deya Massara so‘zlarini keltirgan Fabrisio Romano.
Oldinroq 23 yoshli futbolchining yangi shartnomasi 2026 yilning iyuniga qadar amalda bo‘lishi va futbolchi bonuslarni hisobga olmaganda yiliga 4,5 million yevro olishi xabar qilingandi.
2022/23 yilgi mavsumda Leau “Milan” safida barcha musobaqalarda 36 ta o‘yinda 11 ta gol urdi va 10 ta golli uzatmani amalga oshirdi. Futbolchining amaldagi shartnomasi 2024 yilning iyun oyi oxirigacha amal qiladi.
