"Sherlar" Superliganing 5-turida Toshkentda "Qizilqum"ni qabul qiladi.
Chempionat doirasida jamoalar 46 uchrashuvda maydonga tushishgan. O‘zaro o‘yinlarda ustunlik toshkentliklar tarafida. 39 bahsda yutgan "Paxtakor" 6 bor durang o‘ynagan va bir marta imkoniyatni boy bergan. "Qizilqum" darvozasiga 130 gol urilib, 26 to‘p o‘tkazilgan.
Toshkentdagi o‘yinlarning 20tasida poytaxtliklar g‘alaba qozonib, 2 durang va 1 mag‘lubiyatni qayd etgan. Navoiy jamoasi oxirgi bor safarda 2010 yil ochko olgan - 0:0. O‘z maydonida "Paxtakor" 8 bor ushbu raqibni yirik natija bilan taslim qilgan. O‘tgan yili Toshkentda jamoamiz 6:0 hisobida zafar quchishga erishgan.
2007 yil Navoiyda o‘tgan bellashuvda "Sherlar" mezbonlar ustidan 11:0 hisobida zafar quchishgan. O‘shanda "Paxtakor" hozirgacha ligadagi eng yirik g‘alabani qo‘lga kiritgan.
Bahsni raqibdan Nikolay Tarasov diskvalifikasiya tufayli o‘tkazib yuboradi.
"Paxtakor" va "Qizilqum" jamoalari o‘rtasidagi bellashuv 10 aprel, dushanba kuni soat 18:05da "Paxtakor" stadionida boshlanadi.
