"Bavariya" markaziy himoyachisi Matteys de Ligt Chempionlar ligasining chorak finali birinchi o‘yini doirasida "Etihad" stadionida bo‘lib o‘tadigan ertangi "Manchester Siti"ga qarshi o‘yindan umidlari bilan o‘rtoqlashdi.
"Manchester Siti" juda kuchli, yuqori sifatga ega jamoa. Biz jamoa sifatida yaxshi ishlashimiz kerak. Biz allaqachon "PSJ"ga qarshi muvaffaqiyatli himoyalanganmiz va Neymar, Messi va Mbappesi bor jamoadan birorta ham gol o‘tkazib yubormadik”, dedi de Ligt “Bavariya” rasmiy saytiga bergan intervyusida.
Eslatib o‘tamiz, de Ligt o‘tgan yozda "Yuventus"dan "Bavariya"ga ko‘chib o‘tgan edi. U myunxenliklar safida debyut mavsumini o‘tkazmoqda.
