"Бавария" марказий ҳимоячиси Маттейс де Лигт Чемпионлар лигасининг чорак финали биринчи ўйини доирасида "Этиҳад" стадионида бўлиб ўтадиган эртанги "Манчестер Сити"га қарши ўйиндан умидлари билан ўртоқлашди.
"Манчестер Сити" жуда кучли, юқори сифатга эга жамоа. Биз жамоа сифатида яхши ишлашимиз керак. Биз аллақачон "ПСЖ"га қарши муваффақиятли ҳимояланганмиз ва Неймар, Месси ва Мбаппеси бор жамоадан бирорта ҳам гол ўтказиб юбормадик”, деди де Лигт “Бавария” расмий сайтига берган интервьюсида.
Эслатиб ўтамиз, де Лигт ўтган ёзда "Ювентус"дан "Бавария"га кўчиб ўтган эди. У мюнхенликлар сафида дебют мавсумини ўтказмоқда.
