Dortmundning "Borussiya" klubi yarim himoyachisi Jud Bellingem yaqin orada o‘zining keyingi jamoasi borasidagi qarorini e’lon qilishi kerak. Bu haqda jurnalist Fabrisio Romano ijtimoiy tarmoqlarda xabar berdi.

Qayd etilishicha, Bellingemga faoliyatini davom ettirish uchun barcha variantlarni ko‘rib chiqish uchun vaqt berilgan. Futbolchining "Liverpul", "Manchester Siti" va "Real Madrid"ga o‘tish imkoniyatlari bor. 19 yoshli yarim himoyachining transfer narxi taxminan 150 million yevroga baholanmoqda - Dortmundning "Borussiya"si transfer uchun mana shu summani talab qiladi.

Oldinroq Bellingem faoliyatini "Real"da davom ettirmoqchi ekanligi haqida xabarlar tarqalgan edi.