Дортмунднинг "Боруссия" клуби ярим ҳимоячиси Жуд Беллингем яқин орада ўзининг кейинги жамоаси борасидаги қарорини эълон қилиши керак. Бу ҳақда журналист Фабрицио Романо ижтимоий тармоқларда хабар берди.
Қайд этилишича, Беллингемга фаолиятини давом эттириш учун барча вариантларни кўриб чиқиш учун вақт берилган. Футболчининг "Ливерпуль", "Манчестер Сити" ва "Реал Мадрид"га ўтиш имкониятлари бор. 19 ёшли ярим ҳимоячининг трансфер нархи тахминан 150 миллион еврога баҳоланмоқда - Дортмунднинг "Боруссия"си трансфер учун мана шу суммани талаб қилади.
Олдинроқ Беллингем фаолиятини "Реал"да давом эттирмоқчи эканлиги ҳақида хабарлар тарқалган эди.
