"Chelsi" himoyachisi Sesar Aspilikueta "Real"ga qarshi Chempionlar ligasi 1/4 finali birinchi o‘yinidan umidlari bilan o‘rtoqlashdi.

"Biz ular o‘ylagandan ham kuchliroqmiz. Bu bizdan, har birimizdan va butun jamoadan maksimal darajada talab qiladigan vazifa, chunki amaldagi chempionlarga qarshi o‘ynayapmiz. Ular katta tajribaga ega. Barcha raqiblarga hurmat bilan munosabatda bo‘lish kerak. Bilamizki, “Real Madrid” katta tajribaga ega klub. Shuning uchun har bir mayda detallarga maksimal darajada e’tibor berish kerak. Bu juda xavfli jamoa", - dedi Aspilikuyeta.

"Chelsi" va "Real" o‘rtasidagi Chempionlar ligasi 1/4 finalining birinchi o‘yini 12 aprel kuni Madridda Toshkent vaqti bilan soat 23.59da boshlanadi. Javob o‘yini 18 aprel kuni Londonda bo‘lib o‘tadi.