Ispaniya chempionati hamon joriy mavsumdagi qizil kartochkalar soni bo‘yicha yetakchilik qilmoqda.
Ispaniya chempionati joriy mavsumida hakamlar 113 ta qizil kartochka ko‘rsatishga ulgurgan. Bu APL, Bundesliga va A Seriyani birgalikda hisoblagandagi miqdordan (111) ham ko‘p.
Top-5 ligalar joriy mavsumida sariq va qizil kartochkalar
| Ligalar | 2022/23 yilgi mavsumdagi o‘yinlar soni |
Sariq kartochka soni / bir o‘yinda o‘rtacha |
Qizil kartochka soni / bir o‘yinda o‘rtacha |
| La Liga | 275 | 1387/5,04 | 113/0,41 |
| Liga 1 | 298 | 976/3,27 | 84/0,28 |
| A Seriya | 283 | 1306/4,6 | 50/0,17 |
| Bundesliga | 237 | 905/3,81 | 33/0,13 |
| APL | 288 | 1082/3,75 | 28/0,09 |
Premyer liga futbolchilari joriy mavsum 28 bor chetlatilgan, bu Ispaniyadagi miqdordan deyarli to‘rt barobarga kam.
Sariq kartochkalar bo‘yicha ham Primera yetakchilik qilmoqda. Hakamlar bir o‘yinda o‘rtacha 5 tadan ko‘p sariq kartochka ko‘rsatmoqda. Solishtirish uchun Fransiyada bu ko‘rsatkich 3,3 ni tashkil qiladi.
Top-5 ligalar klublari orasida “Betis” chetlatishlar soni bo‘yicha yetakchi. Top-10 likdagi 7 ta klub La Ligadan, yana uchtasi Liga 1 vakillari.
1. “Betis” (12 ta qizil kartochka)
2. “Elche” (11)
2. “Sevilya” (11)
4. “Monpelye” (9)
5. “Espanyol” (8)
5. “Xetafe” (8)
5. “Reyms” (8)
8. “Ayachcho” (7)
8. “Atletiko” (7)
8. “Kadis” (7)
La Liga top-klublari orasida “Atletiko” qizil kartochkalar bo‘yicha “etakchilar” orasida bo‘lsa, “Barselona” futbolchilari joriy mavsum 6 marta chetlatildi, “Real”da esa bor-yo‘g‘i bitta qizil kartochka bor.
Ikki nafar futbolchi ushbu mavsumda uch marta qizil kartochka oldi — Isaak Karselen (“Kadis”) va Luis Felipe (“Betis”). “Atletiko” vakili Stefan Savich beshta o‘yinda 3 marta chetlatildi, biroq bitta qizil kartochka kubok o‘yinida ko‘rsatilgan.
