"Barselona" yosh yarim himoyachi Pablo Torrening asosiy tarkibla muhim rolga ega bo‘lishiga ishonmayapti. Sport nashri xabariga ko‘ra, "ko‘k-anorranglilar" rahbariyati futbolchini keyingi mavsum uchun ijaraga berishga qaror qilgan.

Torre Ispaniya chempionatidagi ancha kamtarona jamoaga ijaraga o‘tishi mumkin. "Barselona" futbolchini sotib yuborishga shoshilmayapti, chunki ular Pabloning salohiyatiga ishonishadi.

Torre joriy mavsumda La Ligada atigi 3 ta o‘yinda maydonga tushdi. Ushbu bahslarda yarim himoyachi birorta samarali harakat bilan ajralib turmadi.