"Барселона" ёш ярим ҳимоячи Пабло Торренинг асосий таркибла муҳим ролга эга бўлишига ишонмаяпти. Sport нашри хабарига кўра, "кўк-анорранглилар" раҳбарияти футболчини кейинги мавсум учун ижарага беришга қарор қилган.
Торре Испания чемпионатидаги анча камтарона жамоага ижарага ўтиши мумкин. "Барселона" футболчини сотиб юборишга шошилмаяпти, чунки улар Паблонинг салоҳиятига ишонишади.
Торре жорий мавсумда Ла Лигада атиги 3 та ўйинда майдонга тушди. Ушбу баҳсларда ярим ҳимоячи бирорта самарали ҳаракат билан ажралиб турмади.
