Jurnalist Fabrisio Romanoning xabariga ko‘ra, "Vulverxempton" yarim himoyachisi Mateus Nunes endi "Liverpul"ning asosiy maqsadi emas.

Eslatib o‘tamiz, Nunes o‘tgan yozda "Sporting"dan 45 million yevro evaziga "Vulverxempton"ga o‘tgan edi. Transfermarkt portali hozirda 24 yoshli portugaliyalikni xuddi shunday narxga baholamoqda.

Yarim himoyachi joriy mavsumda “bo‘rilar” safida 31 ta o‘yinda maydonga tushib, 1 ta gol va bitta golli uzatmani amalga oshirdi. "Vulverxempton" Premyer-liganing 30-turidan so‘ng 31 ochko bilan turnir jadvalida 13-o‘rinda bormoqda.

Nunes Portugaliya terma jamoasi safida 11 o‘yinda maydonga tushib, bitta gol urgan.