Журналист Фабрицио Романонинг хабарига кўра, "Вулверхэмптон" ярим ҳимоячиси Матеус Нунес энди "Ливерпуль"нинг асосий мақсади эмас.

Эслатиб ўтамиз, Нунес ўтган ёзда "Спортинг"дан 45 миллион евро эвазига "Вулверхэмптон"га ўтган эди. Transfermarkt портали ҳозирда 24 ёшли португалияликни худди шундай нархга баҳоламоқда.

Ярим ҳимоячи жорий мавсумда “бўрилар” сафида 31 та ўйинда майдонга тушиб, 1 та гол ва битта голли узатмани амалга оширди. "Вулверхэмптон" Премьер-лиганинг 30-туридан сўнг 31 очко билан турнир жадвалида 13-ўринда бормоқда.

Нунес Португалия терма жамоаси сафида 11 ўйинда майдонга тушиб, битта гол урган.