13 aprel kuni Pro liga 5-turi doirasida nafaqat turning, balki mavsumning eng muhim o‘yinlaridan biri Toshkentda bo‘lib o‘tadi. Chempionatda qo‘shhokimlik qilayotgan «Dinamo» va «Lokomotiv» o‘zaro to‘qnash keladi. Ushbu o‘yin ikki tomon uchun ham juda muhim bahs.
Kim qanday holatda?
«Dinamo» ham, «Lokomotiv» ham mavsumni ketma-ket 3 o‘yindagi g‘alaba bilan boshladi va 9 ochkodan to‘plagan holda peshqadamlik qilishmoqda.
«Dinamo»ning o‘tgan 3 o‘yindagi natijasi:
1-tur. «Mash’al» – «Dinamo» – 0:3
2-tur. «Dinamo» – «Yunired» – 1:0
3-tur. «Navbahor-farm» – «Dinamo» – 0:3
4-tur. «Dinamo» - «Andijon-SGS» qoldirildi.
«Lokomotiv»ning o‘tgan 3 o‘yindagi natijasi:
1-tur. «Andijon-SGS» – «Lokomotiv» – 0:4
2-tur. Dam oldi
3-tur. «Lokomotiv» – «Orol» – 1:0
4-tur. «Xorazm» – «Lokomotiv» – 1:2
O‘zaro o‘yinlar: Ustunlik kimda?
«Dinamo» va «Lokomotiv» chempionat tarixida o‘zaro 28 marta to‘qnash kelgan. «Dinamo» 12 o‘yinda g‘olib bo‘lgan, 4 o‘yin durang hisobida yakunlangan. «Lokomotiv» «Dinamo»ni hozirga qadar 12 marta mag‘lub eta olgan. To‘plar nisbati «Loko» tomonida – 40:42. O‘zaro o‘yinlarda «Dinamo» 40, «Lokomotiv» ham 40 ochkoni qo‘lga kiritgan.
«Lokomotiv»ning o‘zaro o‘yinlarda qozongan eng yirik g‘alabasi – 5:1 ga teng. «Dinamo»da bu ko‘rsatkich yanada kattaroq – 5:0. 2009 yilgi bahsda Azamat Abduraimov boshchiligidagi «Dinamo» Ilhom Yunusov, Devid Oniya, Andrey Akopyans, Erkin Boydullayev, Bahodir Nasimovning Filimonov darvozasiga kiritgan gollari evaziga «Loko»ni 5:0 hisobida mag‘lub etgan.
«Dinamo» so‘nggi marta 2022 yilda «Lokomotiv»ni Samarqandda mag‘lub etgan – 3:1. Toshkentda esa 1:1 hisobi qayd etilgan bo‘lib, Marat Bikmayevning goli jamoamizga bir ochko taqdim etgandi.
Toshkentdagi o‘zaro so‘nggi uchrashuvlarda qayd etilgan natijalar:
2022 yil. «Lokomotiv» - «Dinamo» 1:1
2019 yil. «Lokomotiv» - «Dinamo» 2:0
2017 yil. «Lokomotiv» - «Dinamo» 2:0
2015 yil. «Lokomotiv» - «Dinamo» 2:1
2014 yil. «Lokomotiv» - «Dinamo» 1:0
2013 yil. «Lokomotiv» - «Dinamo» 3:1
2012 yil. «Lokomotiv» - «Dinamo» 3:1
2010 yil. «Lokomotiv» - «Dinamo» 2:2
2009 yil. «Lokomotiv» - «Dinamo» 1:2
«Dinamo» PFK matbuot xizmati.
