Gresiyaning "Olimpiakos" klubi hujumkor yarim himoyachi Xames Rodriges jamoani tark etganini e’lon qildi. Tomonlar hamkorlikni to‘xtatishga qaror qilishdi. “Qizil-oqlar” 31 yoshli kolumbiyalik futbolchiga ko‘rsatgan o‘yinlari uchun minnatdorchilik bildirib, kelgusida muvaffaqiyatlar tiladi.
Xames sentyabr oyining o‘rtalaridan beri "Olimpiakos"da harakat qilayotgan edi. Kolumbiyalik yunon klubi safida 23 ta o‘yinda maydonga tushib, 5 ta gol urdi va 6 ta golli uzatma berdi.
Endi Rodriges o‘ziga yangi jamoa qidiradi. Yevropada futbolchi bir qator klublarda, jumladan, "Real" va "Bavariya"da o‘ynagani bilan tanilgan.
Transfermarkt portali mutaxassislari Xames Rodrigesni 9 million yevroga baholamoqda.
