Turinning "Yuventus" klubida ijara asosida to‘p tepayotgan polshalik hujumchi Arkadiush Milik "keksa sinyora"da qolishi mumkin. Bu haqda insayder Fabrisio Romano ijtimoiy tarmoqlar orqali ma’lum qildi.

Manbaning xabariga ko‘ra, Italiya grandi vakillari tez orada futbolchining agenti bilan uchrashadi. Potensial kelishuv summasi yetti million yevroga baholanmoqda. Futbolchining to‘liq shartnomasi "Marsel"ga tegishli.

Arkadiush joriy mavsum A Seriyada 19 ta o‘yinda maydonga tushib, 6 ta gol va 1 ta golli uzatmani amalga oshirdi.