"Milan" bosh murabbiyi Stefano Pioli "Napoli" hujumchisi Viktor Osimxenning bo‘lajak o‘yindagi ishtiroki haqida gapirdi.

"Rossonerilar" chorak finalning birinchi o‘yinida g‘alaba qozonishdi (1:0), neapolliklarning hujumini A Seriyaning eng yaxshi to‘purarisiz ushlab turishga muvaffaq bo‘lishdi. Javob o‘yinidan oldin Osimxen jarohatidan forig‘ bo‘ldi. Bu esa "Milan"ning vazifani qiyinlashtirishi mumkin.

"Biz har doim raqiblarimizning kuchli tomonlarini hisobga olamiz va ularning eng yaxshi o‘yinchilariga qarshi o‘yinga tayyorgarlik ko‘ramiz. Ular tarkibida Osimxen ham bor. Lekin bizning o‘z o‘yin uslubimiz bor, biz o‘zimizga e’tibor qaratishimiz kerak. Uchrashuv davomida vaziyatlarni to‘g‘ri o‘qib chiqish muhim bo‘ladi", - dedi Pioli matbuot anjumanida.

“Napoli” – “Milan” uchrashuvi 18 aprel kuni bo‘lib o‘tadi.