"Милан" бош мураббийи Стефано Пиоли "Наполи" ҳужумчиси Виктор Осимхеннинг бўлажак ўйиндаги иштироки ҳақида гапирди.
"Россонерилар" чорак финалнинг биринчи ўйинида ғалаба қозонишди (1:0), неаполликларнинг ҳужумини А Сериянинг энг яхши тўпурарисиз ушлаб туришга муваффақ бўлишди. Жавоб ўйинидан олдин Осимхен жароҳатидан фориғ бўлди. Бу эса "Милан"нинг вазифани қийинлаштириши мумкин.
"Биз ҳар доим рақибларимизнинг кучли томонларини ҳисобга оламиз ва уларнинг энг яхши ўйинчиларига қарши ўйинга тайёргарлик кўрамиз. Улар таркибида Осимхен ҳам бор. Лекин бизнинг ўз ўйин услубимиз бор, биз ўзимизга эътибор қаратишимиз керак. Учрашув давомида вазиятларни тўғри ўқиб чиқиш муҳим бўлади", - деди Пиоли матбуот анжуманида.
“Наполи” – “Милан” учрашуви 18 апрель куни бўлиб ўтади.
