"Manchester Yunayted"ning avstriyalik yarim himoyachisi Marsel Zabitser Erik ten Xag qo‘l ostida qolishga qaror qildi. Football Insider xabariga ko‘ra, futbolchi "Bavariya"ga tegishli bo‘lishiga qaramay, Manchesterda qolishni rejalashtirmoqda.
Manbaga ko‘ra, futbolchining Angliya grandiga o‘tishida hal qiluvchi omil "Bavariya"ning fikri va ehtimoliy transfer narxi bo‘ladi. Shuningdek, Zabitser "Bavariya"ning yangi bosh murabbiyi Tomas Tuxelning uzoq muddatli rejalarida ham ko‘rilmayotgani xabar qilingan.
Joriy mavsumda avstriyalik futbolchi “qizil iblislar” safida barcha musobaqalarda 13 ta o‘yinda maydonga tushib, 3 ta gol urishga muvaffaq bo‘ldi.