"Манчестер Юнайтед"нинг австриялик ярим ҳимоячиси Марсель Забитцер Эрик тен Хаг қўл остида қолишга қарор қилди. Football Insider хабарига кўра, футболчи "Бавария"га тегишли бўлишига қарамай, Манчестерда қолишни режалаштирмоқда.
Манбага кўра, футболчининг Англия грандига ўтишида ҳал қилувчи омил "Бавария"нинг фикри ва эҳтимолий трансфер нархи бўлади. Шунингдек, Забитцер "Бавария"нинг янги бош мураббийи Томас Тухелнинг узоқ муддатли режаларида ҳам кўрилмаётгани хабар қилинган.
Жорий мавсумда австриялик футболчи “қизил иблислар” сафида барча мусобақаларда 13 та ўйинда майдонга тушиб, 3 та гол уришга муваффақ бўлди.