"Napoli" hujumchi Viktor Osimxen bilan 150 million yevro evaziga xayrlashishga tayyor.
"Napoli" prezidenti Aurelio de Laurentis hali ham 24 yoshli hujumchini jamoada qolishga ishontirmoqchi. Agar Osimxen klubni tark etmoqchi bo‘lsa, unda "Napoli" uni 150 million yevro evaziga uni qo‘yib yuborishga tayyor. Nigeriyalik futbolchiga "Manchester Yunayted", "Chelsi" va "PSJ" klublari qiziqish bildirmoqda. Bundan tashqari, avvalroq "Bavariya"ning qiziqishi haqida xabar berilgan edi.
Osimxen 24 o‘yinda 21 gol urgan holda A Seriyaning eng yaxshi to‘purari hisoblanadi. Hujumchining neapolliklar bilan shartnomasi 2025 yilning yoziga qadar mo‘ljallangan. Transfermarkt uning bozor qiymatini 100 million yevroga baholamoqda.













