Bosh murabbiy Kristof Galtye kelasi mavsumda "PSJ"da ishlashni davom ettirishni rejalashtirmoqda.

"Kampush va men kelasi mavsum uchun tarkib tuzilishi, jamoani yaxshilash, o‘yinimizni yanada rang-barang, muvozanatli qilish uchun kiritmoqchi bo‘lgan o‘zgarishlar ustida ishlayapmiz. Kelasi mavsumda "PSJ"ni boshqarmoqchiman.

Mavsum yakunida mavsum yakunlari sarhisob qilinadi. Lekin unutmasligimiz kerakki, bu mavsum o‘rtalarida asosiy xalqaro o‘yinchilar ishtirok etgan o‘ziga xos mavsum bo‘ldi. Mavsum boshida va ikkinchi davrada nima bo‘lganini tahlil qilishimiz kerak.

Biz nima ustida ishlashimiz kerakligini, tarkibni qanday yaxshilashni bilamiz. Ishoning, ko‘plab futbolchilar "PSJ"ga o‘tishni istashadi", - dedi parijliklar ustozi.

Avvalroq, "Nissa"da ishlayotgan vaqtida murabbiy klub sport direktori Jyulen Furnyega jamoada "bu qadar ko‘p qora tanlilar va musulmonlar bo‘lishi mumkin emasligini" aytgani haqida xabar berilgandi.

Bundan tashqari, "PSJ" allaqachon yangi murabbiy nomzodini muhokama qilayotgani xabar qilingandi.